Magnús formaður setti fundinn og því næst var Sverrir kosinn fundarstjóri. Formaður flutti skýrslu stjórnar og gjaldkeri kynnti reikninga félagsins sem voru samþykktir eftir smá umræður. Stjórn lagði til óbreytt félagsgjald og var það samþykkt. Magnús Kristinsson bauð sig fram til áframhaldandi formannssetu og var það samþykkt. Ágúst Borgþórsson gaf áfram kost á sér sem meðstjórnanda en Gunnar M. Magnússon gaf ekki áfram kost á sér og bauð Steinþór Agnarsson sig fram og voru þeir báðir kosnir. Engar lagabreytingar lágu fyrir en undir önnur mál var rætt um erlendar heimsóknir.

Eftir að hafa gætt sér á tveimur svakalegum brauðtertum frá Björk hans Guðjóns var 2015 vídeóannáll FMS frumsýndur og skemmtu viðstaddir sér yfir honum næstu klukkutímana!

Aðalfundur Flugmódelfélags Suðurnesja verður haldinn miðvikudaginn 20 .janúar kl.19:15 í Akademíunni í Reykjanesbæ, þetta er sami staður og síðust ár eða beint á móti Reykjaneshöllinni, sjá á korti.

Á dagskrá verða hefðbundin aðalfundarstörf. Fundargögn verða birt á vef félagsins þegar nær dregur fundinum en einnig hafa félagsmenn fengið þau send með fundarboði.

Að fundi loknum verður boðið upp á veitingar og svo strax á eftir verður 2015 annáll FMS frumsýndur. Um 27 klukkutímar af efni söfnuðust upp á árinu svo það verður frá nógu að sýna!

Kveðja stjórn FMS.