Eftir langan og strangan vetur hefur vefmyndavélin snúið aftur og tekið til við að horfa yfir Arnarvöllinn. Tækifærið var einnig notað til að endurnýja bæði hugbúnaðinn og hressa upp á gæðin í myndunum. Yfir sumarmánuðina munu myndirnar verða uppfærðar á allt að tveggja mínútna fresti en sjaldnar yfir háveturinn.

Það er von okkar að félagsmenn og aðrir munu hafa gaman af þessu og nýta sér þetta til að fá smá innsýn í veðrið eins og það er hverju sinni. Nú eða bara sjá hvort einhver sé út á velli að fljúga! Einnig verður haldið áfram að setja saman timelapse vídeó af myndunum.

Nú er einnig hægt að sjá þær vefmyndavélar sem eru í gangi á flugmódelvöllum landsins á einni síðu hjá Fréttavefnum. Slóðin á hana er http://frettavefur.net/webcam/ eða http://c.frettavefur.net/.